Баркула!
Г1аммаб къисматалъ цолъизарурал Россиялъул г1емермиллаталъулаб халкъалъе Конституциялъ кьуна г1ат1идаб демократия ва церет1урал демократиялъулал пачалихъазда г1адинал ихтиярал ва эркенлъи.
Конституция ккола аслияб закон ва гьелъулъ буго к1удияб къуват.
Х1укуматалда рахъулел киналниги законалги ва цогидал ихтияразулал акталги конституциялъул т1алабазда данде ккарал гурони рахъизе бегьуларо.
Нилъер щивасда т1адаб буго гьелъул х1урмат гьабизе ва гьелъул кьуч1алда рахъарал законазул т1алабал т1уразаризе.
Баркула киналго районцоязда РФялъул Конституциялъул къоялъул байрам.
Гьарула киназего чорхое сахлъи, талих1аб халатаб г1умро, х1алт1улъги, ц1алулъги ч1ах1иял бергьенлъаби.
М. Т1агьиров
Районалъул бет1ер
