20 августалда Хьаргаби райцентралда т1обит1ана т1оцевесев Хьаргабиса олимпиадалъул чемпион Ах1мад Тажудиновасулгун дандч1вай
Районалда тадбир байбихьана республикаялъул к1варалъул нухалдасан нус-нус автомашинабазул колонаялъ сигналалги цадахъ гьарун, чуязда рек1аразул къукъаялъ байрахъалгун, кодоб к1удияб Ах1мад Тажудинов вахъарав плакаталъ бихьизабулеб гьабулеб бук1ана Хьаргебдерил Олимпиадалъул чемпионасул рохел к1одо гьавулеб байрам бук1ин. Гьедин колона бач1ана М. Дибировалъул ц1аралда бугеб культураялъул к1алг1аялде цере.
Данделъи рагьун к1алъазе вахъарав чемпион Ах1мадица рач1аразе к1удияб баркала кьуна жиндир рохел бикьизе рач1аралъухъ.
К1алъазе вахъарав райадминистрациялъул бет1ер М-Г1. Т1агьировас абуна: — Ах1мад дуца бихьизабуна мисал г1олилазе,ц1акъго бокьани бокьараб борхалъаби асир гьаризе бажарулеблъи.. Нужер Дагъистаналъул олимпиадалъул чемпионал к1одо гьарулеб дандч1ваялда берцинго бук1ана нуж черкескаби рет1ун рук1ин, камун бук1ана хвалчен, жакъа нижеца дуе сайгъат гьабула гьениб камураб хвалченги, 800 азарго гъурущалъул сертификатги, ансадерил устарзабазул квераз махщалида гьабурал чанго т1аг1елалги кудияб кубокги. Ах1мад райадминистрациялъ х1укму гьабуна Хьаргаби ДЮСШялъе дур ц1ар кьезе. Сайгъатал конвертазда лъун кьуна тренеразеги. Баркиял гьаруна ва лъик1ал сайгъатал кьуна Гъуниса, Хунзахъа, Унсоколо районазул рач1арал нухмалъулезги районалъул х1урмат ц1ик1к1арал Г1абдурах1ман Г1усмановасги ва районалдаса РФялъул бах1арчи Гьиматов Мух1амадицаги. Гьез г1емер хинал раг1аби абуна ва баркала кьуна район бахинабураб даражаялъухъ. Цере рахъана районалъул администрациялъул вакил А. Маликов жиндирго рахъалдасан Ах1мадие ва тренеразе кьуна шапакъатал. Районалъул депутатазул Собраниялъул председателас М. Г1умаровас, Хьаргаби росдал бет1ер Б. Идрисовасги. Унсоколо районалъул бет1ер Г1. Нурмах1амадовас баркана Ах1мадида. Нужецаго г1адин, нижецаги Ах1мад рик1к1уна нижерги вугин. Ансадерил устарзабазул берцинал сайгъатал кьолаго, Г1исаца абуна олимпиадалъул чемпион бергьенлъи к1одо гьавизе вуго нижеца районалдаги. Маг1либ росулъа вакил г1ун вач1унев спортсмен Г1асадула Мух1амадовас Ах1мадие сайгъат гьабуна ц1ар бугеб бак1алда бугеб квартира, Хунзахъ районалъул жамаг1аталъул рахъалдасан Ах1мадил эбел-инсуе х1ежалде ине путевкаби кьуна. Хьаргаби росдал бет1ер Б. Идрисовас росуцояв Г1абдурах1маница цебеги, жакъаги т1аде кьурал ц1ар бугел чуял лъик1 хьихьизе участок кьезе раг1и кьуна. Т1обит1араб тадбир бечед гьабуна «Хьаргаби» ансаблялъул кьурдухъабаз. Дагъистаналъул къуватчи Ханапиев Г1умарица бихьизабуна инсанасул къуваталъулъ бажари бук1ин.
Гьединго гьеб къоялъ Хьергебдерил к1удияб мажгиталда т1обит1ана Ах1мадил умумуз росабазул жамаг1аталги г1ахьаллъараб к1удияб мавлид. Аллагьас къабулаб батаги гьеб.
