Дагьал церег1ан къоязда Ингушетия республикаялъул Назрань шагьаралда Б. Евлоевасул ц1аралда бугеб спортивияб к1алг1аялда т1обит1ана Бразилиялъул джиу — джитсуялъул рахъалъ Евразиялъул чемпионат. Гьениб г1ахьаллъи гьабуна 1,5 азарго спортсменаз. Гьезда гьоркьор рук1ана нилъер районалъул спортсменалги. Щивав чияс гьениб т1обит1ана 4 – 5 дандч1вай, бергьенлъи босаразеги къваразеги гьеб бук1ана унго – унгояб х1албихьи.
Нилъер спортсменаз гьениб босана к1иго т1оцебесеб – А. Шехов, А. Мух1амадов, к1иго к1иабилеб – М. Х1асанов, М. Г1абдулаев ва цо лъабабилеб бак1 — Г1. Танхалов. Лъималазул тренер ккола Б. Г1абдулкаримов.
Баркула спортсменазда ва тренерасда росарал бергьенлъаби, къуват кьеги нужое хадубккунги жеги ч1ах1и – ч1ах1иял бергьенлъаби росизе.
