Украиналда хасаб рагъулаб операция байбихьаралдаса гьелъул г1ахьалчаг1азе Россиялъул Правительствоялъ материалияб ва социалияб рахъалъ кверч1ваялъул сиях1 ц1ик1к1инабулеб буго. Госдумаялъ тасдикъ гьабуна г1ахьалчаг1азе ва гьезул хъизамазе кверч1ваялъе 70 ялдаса ц1ик1к1ун законал. Гьез жанире рачуна аслиял , г1адамазул г1умру – яшавалда хурхарал, лъайкьеялъул, х1алт1уца хьезариялъул, кредитованиялъул, социалиял выплатабазул сфераби.
Т1оцебесеб иргаялда абуни, СВОялда г1ахьаллъараб заман стажалда гьоркьобе к1иго бут1аялъ рик1к1унеб буго.
Цо лъаг1алица СВОялда г1ахьаллъи гьабуразул пенсионнияб коэффициент рик1к1унеб буго 3,6 (баяналъе, цойгидал г1адамазе гьеб ккола бук1инесеб пенсиялде 1,8).
Гьелде т1адеги, ригь иналъул пенсиялде ине бегьула заман щвеч1ониги 2 соналъ цере. Гьел руго заманалдасан т1уразе ругел льготаби.
Жакъа къоялде абуни, СВОялъул г1ахьалчаг1азе федералиял бигьалъабазул рихьизарун руго:
-мухь кьеч1ого автотранспорталда рек1ине,
— продовольствияз ва къаялъ хьезари
— жанир г1умру гьабизе бак1 бихьизаби
— г1умруялъе страхование гьаби
– ц1алулел бак1азде лъугьине бигьалъаби
СВО ялъул г1ахьалчаг1азе кьола рагъулал ишазул ветеран абураб ц1ар. Гьелда рекъон бихьизабун буго:
— социалиял хъулухъазул набор х1алт1изабиялъе ихтияр
— расчетныяб социалияб пенсиялъул роцен бихьизабун буго 32%
— 6 сотых ракьул налогалдаса эркен гьари;
— транспорталъул налог кьеялъул регионалияб бигьалъи;
— г1умру гьабулеб минаялъухъ мухьалъул компенсация ва капремонталъухъ взносалъул 50%;
— щибаб моц1алъе харж 3896 гъурущ. Гьеб харжалде гьоркьобе уна дарабазухъ г1арцулаб компенсация, лечение гьабулеб бак1алде ва т1адруссине нухлул харж, лечениялъе путевка т1алаб гьаби. Г1ахьалчиясе рес буго социалияб хъулухъалъул бак1алда яги г1арац т1алаб гьабизе, яги гьел киналго хъулухъал х1алт1изаризе.
Рагъулаб хъулухъалда лъукъун вугони х1укуматалъ г1ажизлъиялъул пенсия ч1езабула. Г1ахьалчи ч1ван вугони гьезул хъизамазе пенсия ч1езабула.
Дагъистаналъул социалияб фондалъ мобилизациялде ккаразул лъималазул пособие щвезе бигьалъаби гьарун руго. Гьезул т1аде бач1унеб доходалъул х1исаб гьабич1ого пособие кьезе ккола.
В. В. Путиница тасдикъ гьабун буго лъукъарал яги ч1варал рагъухъабазе г1арцулаб выплата кьеялъул указ. Гьедин лъукъаразе бихьизабун буго 3 млн. гъурущ, ч1варал рагъухъабазе 5 млн. гъурущ.
Дагъистаналъул бет1ер С. Меликовас х1укму гьабуна СВОялда контракт хъварал рагъухъабазе регионалияб выплата 5 нухалъ ц1ик1к1инабизе. Гьелъул х1асилалда харж бахунеб буго 500 азарго гъур. Хьаргаби районалдасан контракт хъваразе цинцадахъ щвезе рес буго цо млн. 900 аз. гъурущ. Федералияб 400 аз. гъур. регионалияб 500 аз. гъур. ва муниципалияб 500 аз. гъур. гьелда гьоркьоб 100 аз. гъурущ б/ф «Солидарносталъул» Дагъистаналъул резервалъул полкалде хъваразе 500 аз. гъур.
Федералияб 400 аз. гъурущалъул баян гьабун абуни, В. Путиница 2024 соналъул 31 июлалъ бахъараб №644 законалда рекъон 1 августалдаса 31 декабралде щвезег1ан контракт хъварал рагъулал хъулухъчаг1азе бихьизабун буго гьеб къадар г1арцул.
Контракт хъвазе ихтияр кьолеб буго призывниказе, запасалда ругел рагъулал хъулухъчаг1азе, руччабазе ва къват1иса х1укуматалъул чаг1азе.
Киналго суалалгун бухьен гьабизе бегьула районалъул администрациялъул специалист М. Мазгаровасулгун тел: 8 989 — 650 — 48 — 66.
