Районалъул рахъалдасан хасаб рагъулаб оперция т1обит1улеб бак1алде цо чанго нухалда гуманитарияб кумек бит1ун бук1ана. Дагьал церег1ан къояздаги гьединаб бак1алда х1ажалъулеб къавул ц1ураб Газель автомашина т1обит1ана нилъер районалъ. Районалъул бет1ер М. Т1агьировасул ва гьесул заместитель М. Мух1амадовасул жигаралдалъун къокъабго заманалда жаниб х1адур гьабизе бажарана – ч1ик1аро, гьекъолеб лъим, компот ва джем, бат1и – бат1ияб г1адамазе х1ажалъулеб къайи – къоно кинабниги 141 ящик.
Гьеб кумек гьабиялъе к1удияб кумек гьабуна районалъул учреждениязулгун ва организациязул нухмалъулез, районалъул росабазул администрациялъул бут1руз, Г1ириб ва К1ик1униб консервал гьарулел заводазул х1алт1ухъабаз, районалъул школазул ва ясли – ахазул лъималаз, ИМКА автотранспорталъул заправкаялъул х1алт1ухъабаз. Аллагьас нужеца гьабураб кумек азариде бахине гьабеги, хасаб рагъулаб операциялда г1ахьаллъи гьабулездаги нахъа щулияб кверч1вай бук1ин к1очонгеги.