Гьал къоязда нилъер районалда унел руго коррупциялде данде рагъ гьабиялъул законал ц1униялъул халгьабиял.
Гьел гьаризе районалде рач1ун руго Дагъистан Республикаялъул Бет1ерасул Управлениялъул х1алт1ухъаби Г1. Рагимов, Ж. Кандауров ва А. Асх1абов. Республикаялъул идарабазул районалде бугеб сапар ккола планалъулаб. Гьез х1исабалде босун буго районалъул администрациялъул аппараталда ва гьезда гъоркье унел учреждениязда коррупциялде данде ч1арал законал т1ураялъул хал гьабизе. Гьезул х1алт1ул аслияб масъала ккола муниципалияб даражаялда коррупциялде данде рагъ гьабиялъул законал т1уразе гьариялда, ч1езе гьарурал г1орхъич1ваязда хадуб бербалагьи гьаби. Гьединго гьез к1удияб кумек гьабулеб буго администрациялъул х1алт1ухъабазе ихтиярал хвезариялда хадуб профилактика гьабиялъеги. Районалъул администрациялъ оперативияб къаг1идаялда х1исабалде росулел руго халгьабулезул т1адкъаял.