Гьал къоязда районалъул администрациялъул данделъабазул залалда т1обит1ана районалъул к1вар ц1ик1к1арал лъайкьеялъул, политикаялъул ва финансазул суалал гьоркьор лъураб г1ат1идаб данделъи. Гьениб г1ахьаллъи гьабуна районалъул бет1ер М. Т1агьировас, районалъул бет1ерасул заместитель М. Мух1амадовас, районалъул лъайкьеялъул управлениялъул нухмалъулев С. Г1усбановас, районалъул лъайкьеялъул г1уц1абазул нухмалъулез ва гь. ц. Гьениб гьоркьоб лъун хал гьабуна:
— Пачалихъалъул экзаменал т1орит1иялъул качество борхизаби ва гьезда хадуб хъаравуллъи ц1ик1к1инаби. Районалъул бет1ер М.Т1агьировас лъик1аблъун рик1к1ана зкзаменал т1орит1изе заман г1агарлъулеб бук1иналъ гьел т1орит1иялда хадуб бербалагьи ва лъималазул ц1алиялъул качество борхизе гьаби щивав учителасда т1адаб х1алт1и бук1ин. Экзаменазул х1асилаз бихьизе гьабулеблъи школаз ц1алуде кьолеб к1вар.
— Политикаялда хурхун халгьабиялде босун бук1ана Пачалихъалъулаб Думаялде кват1ич1ого рук1ине ругел рищиял. Районалъул бет1ер М. Т1агьировас данделъиялда г1ахьаллъи гьабулезул к1вар буссине гьабуна рищиязда цере г1емерал т1адкъаял ва хехго т1уразе гьаризе кколел суалал рук1ине бегьулеблъи ва гьелде киналго х1адурго рук1ине ккеялъул. Ц1акъго к1вар буссине гьабуна Госуслугабазда ругел сиях1азул хал гьариял т1орит1изе ккеялъул.
— Финансазул х1акъалъулъ суал бук1ана аслияб къаг1идаялда учреждениязулгун организациязул счетазда ругел г1арцулал суалазда хадуб бербалагьи гьабиялъул. Х1исаб кьолеб заманалда жаниб учреждениязул ва организациязул нухмалъулезда т1адкъана бюджеталда бугеб г1арцулал сурсатазда хадуб бербалагьи ц1ик1к1ине гьабизе ккеялъул.
Данделъиялъул х1асилал гьарун районалъул бет1ер М. Т1агьировас кьуна ч1ванкъот1арал т1адкъаял ва гьел т1уразе гьаризе болжалал.