Дунялалъул спорталда гугариялъул къецал гьоркьоса къот1ич1ого унел рук1ин нилъеда рихьула. Ахираб заманаялда нилъер Хьергебдерил районалъул ц1ар борхизе гьабулел гугарухъаби руго Хьаргабиса Ах1мад Тажудинов, Хъвартихьуниса Шамиль Шарипов ва К1ик1униса Мух1амад Шарипов Бахрейн х1укуматалъул рахъ ккун цере рахъунел.
6-12 апрелалда Бишкек шагьаралда т1обит1ана 2026 соналъул Азиялъул чемпионаталъул гугариялъул турнир. Гьеб бук1ана сезоналъул халкъазда гьоркьосеб эркенаб гугариялъул турнир.
Турниралда г1ахьаллъи гьабуна 21 бат1ияб х1укуматалдаса 324 ялдаса ц1ик1к1арал гугарухъабаз. Бишкекалъул ковералде цере рахъана олимпиялъул чемпионал, дунялалъул призал щварал ва цогидалги ц1ар раг1арал гугарухъаби.
Гьеб турниралда г1ахьалъана нилъер районалдаса эркенаб гугариялъул олимпиялъул х1аязул чемпион Ах1мад Тажудинов (97 кг), Шамиль Шарипов (125 кг), ва гьединго Мух1амад Шарипов (92 кг).
Ах1мадги, Шамильги, Мух1амадги гьаб зах1матаб дандч1ваязул турниралда жидерго ц1айиялда цереги рахъун призераллъун рахъана.
Гьеб турниралда Шамиль Шарипов (125 кг) ва Мух1амад Шарипов (92 кг) мустах1икълъана г1арцул медалазе ва Ах1мад Тажудинов (97 кг) мазгарул медалалъе.
Баркула киназдаго иргадулаб бергьенлъаби роси. Къуват ва сахлъи кьеги нилъер гугарухъабазе жеги т1адег1анал бергьенлъабазул х1асилал росун нилъ рохизе гьаризе.