2026 соналъул 18 августалда т1олабго Россиялъул г1аммаб лъай кьеялъул ва гьоркьохъеб профессионалияб лъай кьеялъул г1уц1иязул территориязда т1орит1ана рак1алда гьеч1ел балагьал ва лъугьа бахъинал т1аде рач1индал гьаризе кколел ц1униялъул тадбирал лъадариялъул масъалаялда х1алт1ухъабазда гьоркьор ругьун гьариял.
Малъиялъул тадбир т1обит1иялъе чанго масъала цебе лъун бук1ана: охранаялъул х1алт1ухъабаз ва лъай кьеялъул г1уц1иязул х1алт1ухъабаз, рак1алда гьеч1еб гьужумалдалъун гъоркьлъалие чи росун ругони т1уразе кколел жалазул тартиб лъазаризе; ц1а рек1унел лъамалъаби х1алт1изарун гьужум гьабуни яги БПЛА бач1ани гьаризе кколелъул малъа-хъваял гьаризе.
Ругьун гьариял т1орит1иялъул аслияб масъала ккола бит1ун ва г1одоре риччан кколеб лъугьа-бахъиналде жаваб гьаби; кьвагьи-г1анхъи ккун бугони г1адамал х1инкъи гьеч1еб бак1але гочинари ва гь ц.
Ругьун гьариязул х1асилалда лъазе къвариг1араб бук1ана, х1инкъи гьеч1олъиялъул тохал бак1ал т1атизари ва ц1униялъул план лъик1лъизабизе.
Хьаргаби №2 гьоркьохъеб школалде х1алт1улаб сапаргун гьоболлъухъ рач1ун рук1ана МЧСалъул специалист Р. Мах1мут1ов ва полициялъул сотрудник И. Г1абдулат1ипов. Гьезул бербалагьиялда гъоркь, школалъул х1алт1ухъабазулгун ругьун гьариял т1орит1ана. Рак1алда гьеч1еб х1инкъи бач1ани, учителасда т1адаб гьабизе кколелъул баянал кьуна ва г1умру ц1униялъул мурадалда рахчиялъул тадбир лъадарана.
Ругьун гьариял жеги т1орит1изе х1исабалда буго лъимал ц1алуде рач1индалги, ц1алдохъабазул ва учительзабазул г1умруялъе х1инкъи гьеч1олъиялъе цадахъал тадбирал т1ураялда т1ад х1алт1изе.
Х1инкъи гьеч1олъи ц1уни киназулго г1аммаб жавабчилъи ккола, профилактика гьелъул аслияб кьуч1ги буго.