Москваялда, Бергьенлъиялъул паркалда, тӀобитӀана «Русское поле» абураб славяназул искусствоялъул регионазда гьоркьосеб творческияб юбилейнияб ХV-леб фестиваль. Фестивалалъ цолъизаруна киналго регионаздаса творческиял коллективаздаса, г1аммаб къаг1идаялъ 3000 г1ахьалчи.
Творческиял къокъабазул церерахъиназул х1асилалда, «Хьаргаби» муниципалияб ансамбль рик1к1ана Россиялъул бищунго лъикӀаб хореографиялъулаб къокъалъун ва мустах1икълъана фестивалалъул Гран-приялъе. Кьурдухъабаз бихьизабуна тӀадегӀанаб махщел, тирилъи ва дагъистаналъул традиционияб культура.
Жакъа гьеб бергьенлъи ансамблялъул махщелчаг1азда цадахъ кӀодо гьабизе букӀана ансамблалъул хореограф мунагьал чураяв Мух1амад Багьавудинович Шаг1бановас. К1очонареб ц1ар тана гьес Хьаргаби районалъул гуребги Дагъистаналъул культураялъул тарихалдаги.
Рехсезе ккола гьединго, бергьенлъиялъе мустах1икълъараб кьурдул ансамблялъул хореограф Россиялъул искусствоялъул мустах1икъав х1алт1ухъан Г1али Мух1амадг1алиевасул ц1арги.
Баркула районалъул культураялдаго «Хьаргаби» муниципалияб ансамблялъе щвараб бергьенлъи. Хадуб ккунги кире аниги гьунарги къуватги кьеги нужее махщалил бергьенлъаби росизе.