Гьал къоязда Крымалда т1обит1ана Муай – тайялъул рахъалъ Россиялъул чемпионат. Гьениб г1ахьаллъи гьабуна Абакар Къурах1маевас куцулел спортсменазги. Нилъер республикаялъул т1аса бищараб командаялда гьоркьор рук1ана 5 нилъер ракьцоялги. Гьез бихьизе гьабуна жидерго бугеб махщел, гьунар, бергьенлъи босизе бугеб гъира. Гьелъул х1асилалда щуявго нилъер ракьцояз босана меседил медалал. Гьел ккола Х1. Мух1амадов, М. Мух1амадов, Х1. Х1ажиев, Б. Г1умаров, Ш. Мух1амадов. Ч1ах1иязда гьоркьоб ункъго поясалдасан к1игояб босана нилъераз. Гьеб ккола к1удияб х1асил ва бергьенлъи босизе бугеб гъира. Баркула киналго спортсменазда росарал бергьенлъаби, гьарула хадубккунги районцоял ч1ух1изе, рохизе гьаризе сахлъи, къуват ва жигарчилъи.
